«Almaty-Tashkent-Termez» avtojolynda kólikterdiń barlyq túrlerine qozǵalys shekteldi
ASTANA. QazAqparat - QR ІІM TJK baspasóz qyzmetiniń habarlaýynsha, 22.12.2016 j. «Almaty-Tashkent-Termez» (543-593 shaqyrymdarda) avtojolynda avtokólikterdiń barlyq túrlerine saǵat 16.50-den bastap Jambyl oblysy tarapynan jol jabylǵan.
Osyǵan baılanysty «Almaty-Tashkent-Termez» (593-611 shaqyrymdarda) 22.12.2016j. saǵat 17.10-nan avtokólikteriniń barlyq túrlerine Ońtústik Qazaqstan oblysy jaǵynan jol jabylǵan bolatyn. Alaıda keıbir júrgizýshiler osy eskertýdi elemeı, Almaty baǵytyna qaraı jol júrip, Túlkibas aýdany Shaqpaq-baba asýynda turyp qaldy.
Adamdardy Shaqpaq baba asýyndaǵy jylytý beketterine jetkizdi.
2016 jyly 23 jeltoksanda saǵat 11.20-da Túlkibas aýdanyna avtokólikterdi jibermeý úshin Saıram aýdanynan bastap ár 25 shaqyrymǵa jol posttary qoıylyp, Túlkibas aýdany ishki ister bólimi tarapynan jol qozǵalysyna shekteý qoıylyp, baqylaýǵa alyndy.
Sondaı-aq Kúmis bastaý-Jabaǵyly aýyldary arasynan Taraz q. turǵyndary «Toıota» avtokóligimen aınalma jolmen ótemiz dep, jolda turyp qalǵan. Túlkibas aýdany №36 órt sóndirý beketiniń jeke quramynda 2 adam, 1 tehnıkasy atalǵan kólikti shyǵaryp, Kúmis bastaý aýylyna jetkizdi.
Qazirgi tańda Túlkibas aýdanynda T.Rysqýlov-Azattyq eldi mekenderi aralyǵynda joldan shyǵyp ketken avtokólikterdi shyǵarý jumystaryn aýdandyq №1 mamandandyrylǵan órt sóndirý bóliminiń jeke quramynda 4 adam, 2 tehnıkasy jumys atqarýda.
