Almaty-Tashkent tas jolyndaǵy dámhanalardyń biriniń janynda bolǵan atysqa bı keshindegi janjal sebep bolǵan - ІІM
TANA. 20 shilde. QazAqparat /Marlan Jıembaı/ - Almaty-Tashkent tas jolyndaǵy dámhanalardyń biriniń janynda bolǵan atysqa bı keshindegi janjal sebep bolǵan. Bul týraly búgin elordada QR ІІM Memlekettik til jáne aqparat departamentiniń basshysy Nurdildá Oraz málim etti.
Onyń aıtýynsha, 18 shilde kúni túnde Merke aýdandyq polıtsııa bólimine Almaty-Tashkent tas jolyndaǵy dámhanalardyń biriniń janynda atys bolyp jatqany týraly aqparat kelip túsken. Polıtsııa qyzmetkerleri oqıǵa ornynynan oq tesken «Mersedes bents» avtomashınasyn, sondaı-aq, sol jerden Merke aýylynyń bir turǵynynyń máıitin tapqan.
«Merke aýylynyń medıtsınalyq mekemesine 19 ben 35 jas aralyǵyndaǵy osy aýdannyń 6 turǵyny jetkizildi, olardyń bireýi sál keıinirek qaıtys boldy. Aldyn ala málimetter boıynsha, janjal kórshi eldi-mekenderdiń jas turǵyndary arasynda aýylda ótken bı keshinen keıin oryn alǵan», - dedi ol.
ІІM ókiliniń atap ótýinshe, qazirgi ýaqytta janjalǵa qatysýshylardyń barlyǵy anyqtalyp, olardy ustaý sharalary qabyldanýda.
