Almaty-Tashkent baǵyty boıynsha jańa poıyz jolǵa shyqty

ASTANA. QazAqparat - «Almaty-2» vokzalynda «Almaty-Tashkent» baǵytymen júretin №1/2 halyqaralyq jolaýshylar poıyzyn saparǵa shyǵaryp salý saltanatty sharasy ótti, dep habarlaıdy «Jolaýshylar tasymaly» AQ.

«Almaty-Tashkent» poıyzy 29 vagonnan quralǵan jáne aptasyna eki ret: Almatydan - dúısenbi, senbi kúnderi, Tashkentten - seısenbi, jeksenbi kúnderi qatynaıtyn bolady. Jol ýaqyty - shamamen 16 saǵat 30 mınýt. Jolshybaı Otar, Shý, Taraz, Shymkent, Saryaǵash, Tashkent stansalaryna toqtaıdy.

«QTJ» UK» AQ vıtse-prezıdenti Erik Imashev bul sharanyń Qazaqstan men Ózbekstan halyqtarynyń múddesine baǵyttalǵan ekijaqty yntymaqtastyqty nyǵaıtý boıynsha eki el basshylarynyń ýaǵdalastyqtaryn júzege asyrýda mańyzdy ekenin basa aıtty. Imashev poıyzdyń keń kýzovty «Tulpar-Talgo» vagondarynan jasaqtalǵanyn atap ótti.

«Qazaqstandyq jáne ózbekstandyq temir jolshylar halyqaralyq poıyzdy josparlanǵan ýaqytta júrýine barynsha kúsh saldy. Jańa Almaty-Tashkent baǵytynyń ashylýy eki halyqty jaqyndastyrýǵa jasalǵan mańyzdy qadamdardyń biri bolyp tabylady», - dedi Imashev.

Almatydan Tashkentke barý quny: lıýks - 13 036 teńge, bıznes - 11 077 teńge, kýpe - 9 342 teńge jáne otyratyn oryndar - 4 228 teńge.