«Almaty-Tashkent» avtojolynda jolaýshylar avtobýsy men júk kóliginiń soqtyǵysýy saldarynan 13 adam qaza tapty - TJM
ASTANA. Shildeniń 31-i. QazAqparat - Búgin tańsáride «Almaty-Tashkent» avtojolynda qalaaralyq jolaýshylar avtobýsy men júk kóligi soqtyǵysyp qaldy. Aldyn ala málimetter boıynsha 13 adam qaza tapty.
Qazaqstannyń Tótenshe jaǵdaılar mınıstrliginiń málimetterine sáıkes, búgin, tańerteńgi saǵat 5-te Jambyl oblysy Merki aýdanyndaǵy Aspara aýylynyń mańynan ótetin «Almaty-Tashkent» avtojolynyń 339-shy shaqyrymynda, Shymkent - Almaty baǵytymen júrip kele jatqan, ishinde 51 jolaýshysy bar «Mersedes» avtobýsy men «Koba» júk kóligi soqtyǵysqan. Júk kóligi júrgizýshileriniń tulǵalary áli anyqtalǵan joq.
TJM-nan anyqtaǵandaı, soqtyǵysý saldarynan eki kóliktiń janýy bolǵan. Aldyn ala málimetter boıynsha jol-kólik oqıǵasynda 13 adam mert boldy, taǵy 5 adam túrli jaraqattarmen aýrýhanaǵa jetkizildi. 22 azamatqa alǵashqy medıtsınalyq járdem kórsetildi.
Otqa oranǵan kólikter Jambyl oblysy boıynsha TJD órtke qarsy qyzmetiniń 9 adamy men 1 tehnıkasynyń kúshimen 1 saǵat 15 mınýttan keıin sóndirildi.
