Almaty tarıhyna arnalǵan eki kitap jaryq kórdi
Mamyrdyń 13-i. QazAqparat /Erbol Azanbek/ - Búgin Almatydaǵy QR Ulttyq kitaphanasynda ǵalym Syrym Bókeıhanovtyń orys tilinde jaryq kórgen «Almaty meniń qalam», «Bizdiń kóshelerdiń ataýlary A-dan ıA-ǵa deıin» atty kitaptarynyń tanystyrylymy ótti,
dep habarlaıdy QazAqparat.
«Almaty meniń qalam» jınaǵy qala tarıhyna, onyń alǵashqy jyldardaǵy órkendeýine úles qosqan adamdarǵa arnalǵan. Onda Almatynyń soǵystan keıingi jyldardaǵy kórinisi, avtordyń ózi kýá bolǵan ózgerister keltirilgen. Kitapta Vernyı qalasynyń qurylýynan bastap 1980-shi jyldarǵa deıingi kezeńi qamtylǵan. Kitapta esteliktermen qatar eski tarıhı sýretter bar. Ekinshi kitapta attary qala kóshelerine berilgen tulǵalar jaıynda baıandalady. Onda qala kósheleriniń eski ataýlary, qazirgi jańa ataý ıeleriniń ómirleri týraly estelikter berilgen. Avtordyń aıtýynsha, eki kitap ta óziniń ómir boıy jınaǵan derekteri negizinde jazylǵan. Belgili ǵalym Syrym Bókeıhanovtyń buǵan deıin orys tilinde «Bizdiń balalyq shaqtyń kósheleri», «Fýdzıge qaraǵanda», «Týǵan qalamdy aýystyrmaımyn», «Ótkendi umytýǵa bolmaıdy» kitaptary jaryq kórgen bolatyn.
