Almaty-Taraz tas jolynda jol apatynan aman qalǵan balýannyń jaǵdaıy aýyr-dáriger
ALMATY. QazAqparat – Almaty-Taraz tas jolynda jol apatynan aman qalǵan balýannyń ómiri qyl ústinde tur.
Bul týraly QazAqparat tilshisine Qordaı aýdandyq Ortalyq aýrýhanasynyń reanımatsııa bóliminiń meńgerýshisi Marına Chaıahmetova aıtty.
Zaýytbek Nurdáýlettiń jaǵdaıy jaqsarǵandyqtan, ony týystary Almatyǵa alyp ketken.
Al Shyńǵyshan Muhametqalıevtiń jaǵdaıy áli aýyr.
«Shyńǵyshan áli travmatıkalyq komada jasandy tynys alý apparatynda jatyr. Ol aýyr mı jaraqatymen túsken bolatyn. Mıyna qan ketken. Basyna trepanatsııa jasaldy. Uıyǵan qan alyndy. Ázirge jaǵdaıynda ózgeris joq. Eshqandaı boljam aıta almaımyz. Qoldan kelgen barlyq em jasalyp jatyr», - dedi Marına Chaıahmetova.
Mamannyń aıtýynsha, Nurdáýlet Zaýytbek aýrýhanaǵa ortasha aýyr halde túsken. Aqyl esin bilip túsken. Sondyqtan, sportshynyń densaýlyǵy tez oǵalǵan kórinedi.
«Jaqyn arada sportshy úıine shyǵady. Oǵan ambýlatorııalyq baqylaý kórsetilgen»,- dedi dáriger.
Buǵan deıin qazaq sportyndaǵy qaıǵyly oqıǵa týraly jazǵan bolatynbyz.
Erkin kúres sheberleri - Jaqsybek Karabalaev, Janbota Baıbazar Almaty-Taraz tas jolynda boıyndaǵy jol apatynan qaza bolǵan edi.
Aýyr halde aýrýhanaǵa túsken Іlııas Jumaı bir kúnnen keıin aýrýhanada qaıtys boldy.
Zaýytbek Nurdáýlet pen Shyńǵyshan Muhametqalıev Qordaı aýdandyq Ortalyq aýrýhanasynyń jansaqtaý bólimine túsken bolatyn.
