Almaty tarapynan 2017 jyly ótetin Ýnıversıada oıyndaryna qosymsha 4 sport túri engizildi

Bul týraly búgin Almatyda Ýnıversıada nysandaryna jasalǵan press-týr barysynda «Almaty q. halyqaralyq sport jobalary dırektsııasy» Memlekettik qory dırektorynyń orynbasary Nurjan Ábilhaıyr málimdedi.

Onyń aıtýynsha, bul norma Halyqaralyq stýdenttik sport federatsııasynyń (FISÝ) erejesinde jazylǵan.

«Ýnıversıada talaptary boıynsha 8 mindetti medaldik sport túri bar. Jáne olarǵa qosymsha retinde ýnıversıadany ótkizetin qalaǵa, óz qalaýynsha taǵy 4 medaldik sport túrin tańdaý quqyǵy berilgen. Almaty qalasy tarapynan 8 mindetti sport túrine qosa, shańǵymen tramplınnen sekirý, shańǵy qossaıysy, konkı sporty jáne frıstaıl tańdap alyndy. Sonymen qatar biz medalsiz, ıaǵnı jáı kórnekilik túrde bendıdi de (dopty hokkeı) ýnıversıada baǵdarlamasyna qosyp otyrmyz. Nátıjesinde 2017 jyly Almatyda ótetin qysqy ýnıversıada aıasynda jalpy 12 medaldik jáne bir medaldik emes sport túrinen jarystar bolady», - dedi óz sózinde N. Ábilhaıyr.

Aıta ketelik, 28-shi qysqy búkilálemdik qysqy stýdenttik ýnıversıada aıasynda Almatyǵa 50 astam elden 3 myńnan asa sportshy keledi dep kútilýde.