Almaty-Taldyqorǵan tas jolyndaǵy kólik apatynan 7 adam aýrýhanaǵa tústi
TALDYQORǴAN. QazAqparat - Búgin Almaty-Taldyqorǵan tas jolynda jolaýshy tasymaldaıtyn shaǵyn avtobýs kólik apatyna ushyrap, 7 adam aýrýhanaǵa tústi. Jol-kólik oqıǵasy Kóksý aýdanyna qarasty Balpyq bı aýylyna jaqyn mańda bolǵan, dep habarlaıdy QazAqparat tilshisi.
«Kólik apaty túski ýaqyt shamasynda Almaty-Taldyqorǵan tas jolynyń 236-shy shaqyrymynda bolǵan. Anyqtalǵandaı, mıkroavtobýsta júrgizýshini qosqanda barlyǵy 17 adam otyrǵan. Medıtsınalyq tekserýden keıin 10 jolaýshy jiberildi. Al 7 zardap shegýshi aýrýhanada jatyr. Oqıǵa ornynda polıtseıler jumys isteýde», - dedi Almaty oblystyq polıtsııa departamenti baspasóz qyzmetiniń ókili Kóbeıhan Nurahmetov.
Aıta ketý kerek, oqıǵa ornynan túsirilgen vıdeo áleýmettik jelige taraýda. Boljam boıynsha, kólik jol jıeginen shyǵyp ketip, aýdarylǵan.
