Almaty - Taldyqorǵan tas joly aqyly bolady
TALDYQORǴAN. QazAqparat - Almaty - Taldyqorǵan tas joly aqyly bolmaq. Bul týraly búgin Taldyqorǵanda «QazAvtoJol» AQ fılıaly ótkizgen qoǵamdyq talqylaýda belgili boldy, dep habarlaıdy QazAqparat tilshisi.
Sharany uıymdastyrýshylardyń sózine súıensek, keler jylǵa deıin Taldyqorǵan mańynda arnaıy termınal turǵyzylmaq. Atalǵan máselege qatysty oblys ákimdigi pikir bildirdi.
«Bul jol respýblıkalyq mańyzǵa ıe trassa bolyp tabylǵanymen osy jol arqyly Taldyqorǵanǵa jaqyn eldimekenderde ómir súretin azamattar kúndelikti qatynaıdy. Joldyń aqyly bolýy sol azamattarǵa salmaq salmaýy tıis. Oblys ákimdigi ózge óńirlerdegi úzdik tájirıbege negizdelgen utymdy ári tıimdi ádisti paıdalanýǵa nıetti. Bul termınaldyń qurylysy 2019 jyly aıaqtalady dep kútilýde», - dedi Almaty oblysy ákiminiń baspasóz hatshysy Ǵalymurat Júkel.
