Almaty sýburqaqtar kúnin atap ótedi
ATY. 25 mamyr. QazAqparat /Ádilet Musahaev/ - Búgin jaýǵan jańbyrǵa qaramastan Almaty Sýburqaq kúnin atap ótedi.
Bul merekelik is-shara 2005 jyldyń 25 mamyrynan bastap dástúrli túrde atap ótilýde.
Keshke qalanyń túpkir-túkpirindegi sýburqaqtar qosylyp, qalamyzdyń sánin keltirip, kontserttik sharalar ótedi. Almaty qalasynyń Medeý aýdanynda sýburqaqtar merekesin toılanady. Keshki saǵat 8:00-deSh.Ýálıhanov eskertkishiniń aldynda Sýburqaqtar kúnine arnalǵan merekelik is-shara ótip, Qazaqstan estradasy juldyzdary men Shyǵarmashylyq uıymdardyń qatysýymen merekelik kontsert, jastarǵa bı keshi uıymdastyrylady.
Sondaı-aq Bostandyq aýdanyndaǵy «Mega» oıyn-saýyq ortalyǵynyń alańyndada Sýburqaqtar qosylyp, merekelik is-sharalar ótedi.
Shahardyń shyraıyn keltirip, ásemdigin shyńdaǵan sýburqaqtar merekesine aýdan turǵyndary, jastar uıymdary, qazaq estradasynyń juldyzdary qatysady.
Almatydaǵy eń iri sýburqaq Qazaqstan Tuńǵysh Prezıdenti saıabaǵynda ornalasqan. Almatyda alǵash sýburqaqtar 1948 jyly Abaı atyndaǵy MAOBT-tyń jáne Ǵ.Músirepov atyndaǵy Balalar men jasóspirider teatrynyń, Astana alańy men «Qazaqstan temir joly» AQ-nyń aldynda paıda bolǵan.
