Almaty sý qoımalarynan alynǵan synamalardyń 70%-ǵa jýyǵy gıgıenalyq normatıvterge sáıkes kelmeıdi
ALMATY. QazAqparat - Ashyq sý qoımalaryn, ózen arnasy men olardyń jaǵalaýyn lastanýdan qorǵaý ózekti máselelerdiń biri bolyp sanalady. Sebebi, bular bizdiń megapolıs halqynyń sanıtarlyq-epıdemıologııalyq salaýattylyǵyna áser etetin mańyzdy faktor.
Jaz bastalǵannan-aq qalanyń sanıtarlyq-epıdemıologııalyq qyzmet organdarynyń mamandary demalys oryndary men ashyq sý kózderinde reıd jumystaryn júrgizdi, dep habarlady Almaty qalasynyń tutynýshylar quqyǵyn qorǵaý departamentinen.
Osy jumys aıasynda zerthanalyq zertteýge ashyq sý kózderinen sý synamalary alynyp zertteldi. Osy maqsatta barlyǵy 108 sý synamasy alynsa, zertteý barysynda osynyń 73-niń (shamamen 68%) gıgıenalyq normatıvterge sáıkes kelmeıtindigi anyqtaldy. Bul kórsetkishter ashyq sý qoımalary men ózen sýynyń organıkalyq jáne basqa da zattarmen lastanýyn aıǵaqtaıdy.
Júrgizilgen reıd qorytyndysymen jergilikti atqarý organdaryna ashyq sý qoımalary men ózenderdiń sýǵa túsýge jaramsyzdyǵy jónindegi jáne osyǵan baılanysty arnaıy aqparattyq belgi qoıý týraly usynys berilgen hat joldandy.
