"Almaty Sý Holdıngi" jyl qorytyndysyn jasady
ALMATY. 30 jeltoqsan. QazAqparat /Erlik Erjanuly/ - Búgin "Almaty Sý Holdıngi" memlekettik kommýnaldyq kásipornynda "Nur Otan" HDP-nyń bastaýysh partııa uıymynyń esep berý-saılaý jınalysy ótti.
Onda úzdik qyzmetkerlerge qala ákiminiń Qurmet gramotasy tabys etilip, kásiporynnyń jyl saıyn dástúrli baıqaýynyń qorytyndysy shyǵarylyp, jeńimpazdarǵa syı-sııapat jasaldy.
"Bizdiń mamandarymyz - kásiporynnyń basty baılyǵy. Óndiris ornynyń aǵymdaǵy jyly qol jetkizgen jetisterine olardyń qosqan úlesi óte qomaqty. Sol sebepti kásiporyn basshylyǵy, bastaýysh partııa uıymy jáne kásipodaq uıymy birlesip óndiris úzdikterin marapattaýǵa sheshim shyǵaryp otyr", - dedi "Almaty Sý Holdıngi" MKK-daǵy "Nur Otan" HDP bastaýysh partııa uıymynyń tóraǵasy Qýanyshkeldi Bazylov.
Onda jyl saıyn dástúrli túrde marapattalatyn - "úzdik slesar" (Marat Baýbekov), "úzdik elektrık" (Serik Nurpeıisov), "úzdik mashınıst-operator" (Lıýdmıla Golovchenko) , "sý qubyry sharýashylyǵyndaǵy apatty qalpyna keltirýshi úzdik brıgada" (Baǵlan Seksenbaevtyń brıgadasy) atalymdarynyń qatary bıyl taǵy bir atalymǵa ulǵaıǵany málim boldy. "Káriz keshenindegi apatty qalpyna keltirýshi úzdik brıgada" dep atalatyn jańa atalymda alǵashqy jeńimpaz Aqylbek Kerimbekovtiń brıgadasy bolyp otyr.
