«Almaty sý»: Esep quralyn aýystyrý mindetti emes

ALMATY. QazAqparat - Kásipkerlerge sý esepteý quralyn aýystyrsyn degen talap qate taratylǵan bolyp shyqty. Bul týraly búgin baspasóz týry barysynda "Almaty sý" memlekettik kommýnaldyq kásipornynyń ókili aıtty, dep habarlaıdy QazAqparat tilshisi.

«Esepteý quraldaryna kelsek, túsinispeýshilik oryn aldy. Bizde Almatyda qolǵa alynǵan Smart Almaty úlken baǵdarlamasynyń bir baǵyty - tsıfrly sý arnasy dep atalady», - dedi «Almaty sý» MKK ókili Serik Shaǵyrov. Onyń aıtýynsha, bul baǵdarlama tolyǵymen iske assa, ınspektorlar men baqylaýshylar shtaty qysqarady.

2016 jyldan bastap barlyq turǵyn úı, kommertsııalyq nysandar qashyqtan baqylaýǵa múmkindik beretin esepteý quralymen jabdyqtalýǵa mindettelgen.

Onyń aıtýynsha, tutynýshylar, onyń ishinde bıznesmenderdiń esepteý quraldary talapqa saı bolmasa, olardy aýystyrýǵa mindettelmeıdi.

«Tutynýshylardyń úshinshi sanaty - bıznesmenderdiń kópshiliginiń esepteý quraly eskirmegen, aýystyrýdy qajet etpeıdi. Bizdiń jumys toby barlyq tutynýshylarǵa qate aqparat taratqan. Tehnıkalyq aqaýǵa baılanysty qashyqtan basqarylatyn esepteý quralyn ornatý týraly habarlama úshinshi sanattaǵy tutynýshylarǵa da ketip qalǵan. Eger esepteý quralynyń paıdalaný merzimi aıaqtalmasa, olarǵa eshteńe aıyrbastaýdyń qajeti joq ekenin resmı málimdeımin», - dedi kásiporynnyń resmı ókili.

Aıta ketý kerek, buǵan deıin qalalyq kásipkerler «Almaty sý» kásipornynyń jumysyna shaǵym túsirgen bolatyn. Olardyń aıtýynsha, kásiporyn sý nysandarynda esepteý quralynyń jańa modelin ornatýdy talap etken.

Bul másele kásipkerlerdiń quqyǵyn qorǵaý týraly keńeste talqylandy.