Almaty stýdentteri tótenshe jaǵdaılarǵa baılanysty oqý-jattyǵý synaǵynan ótti
ALMATY. Mamyrdyń 28-i. QazAqparat /Erbol Turymbetov/ - Búgin Q. Sátbaev atyndaǵy QazUTÝ-da Almaty qalalyq Tótenshe jaǵdaılar departamenti Joǵarǵy oqý oryndarymen birlesip «Joǵarǵy oqý oryndaryndaǵy basqarý organdarynyń aıaq astynan bolatyn tótenshe jaǵdaılarda adam ómirine qaýip tóngendegi is-qımyly jáne qaýipsizdikti qamtamasyz etýi» atty oqý-jattyǵý jumystaryn ótkizdi,
dep habarlaıdy QazAqparat.
Oqý-jattyǵý jıyny Bilim jáne ǵylym mınıstrligi men Tótenshe jaǵdaılar mınıstrliginiń qaýlysy nátıjesinde ótkizildi. Oǵan qalalyq birneshe ýnıversıtet stýdentteri men Almaty qalalyq Tótenshe jaǵdaılar departamenti ókilderi qatysty.
«Mundaı shara stýdentter arasynda birinshi ret ótkizilip otyr. Maqsaty -tótenshe jaǵdaılarǵa qarsy qalaı kúresý, qandaı áreket qoldaný kerektigine halyqty úıretý. Oqý-jattyǵý jumystary tek Almaty qalasynda emes, Respýblıkanyń barlyq aımaqtarynda ótkiziledi»,- dedi Almaty qalalyq TJD basshysynyń orynbasary ıÝrıı Ilın.
Bundaı birlesken jobalar shet elderde turaqty júrgizilip turady. Endi ol Qazaqstanda iske asa bastady. Shara barysynda stýdentter oryn alǵan oqys oqıǵalarǵa qarsy qutqarý áreketterin tájirıbe retinde kórsetti.
«Bul shara mınıstrlik buıryǵy boıynsha balyq ýnıversıtet basshylary men qalalyq tótenshe jaǵdaılar bólimshesi basshylyǵynyń ózara kelisimi arqyly ótýde. Sońynan tótenshe jaǵdaılar mamandary baǵa beredi. Eger osy shara jaqsy nátıje berip jatsa, bolashaqta da jalǵastyra bermekpiz»,- dedi ýnıversıtet prorektory Sársen Júsipbekov.
Birlesken joba keler jyly basqa da oqý oryndarynda ótkiziledi dep josparlanǵan.
