Almaty stýdentteri polıtseılerge qoǵamdyq tártipti ornatýǵa kómektesýde
ALMATY. 29 qazan. QazAqparat - Almatydaǵy birqatar JOO stýdentteri polıtsııanyń ýchaskelik ınspektorlarymen birigip, mereke kúnderi qoǵamdyq tártipti saqtaý boıynsha kezekshilikke qatysty.
Birlesken shara Áýezov aýdandyq ІІD-da QR ІІM-niń «Ýchaske» respýblıkalyq jedel aktsııasynyń aıasynda uıymdastyryldy.
Sharanyń maqsaty - stýdent jastardy kóshede, bilim mekemeleri men jataqhanalardaǵy qaýipsizdikti qamtamasyz etýge tartý, quqyq qorǵaý organdarynyń áleýetin qoldanýmen birge ózderiniń zańdyq quqyqtaryn qorǵaý boıynsha tájirıbege daǵdylandyrý.
Osyndaı stýdenttik jasaqtyń árbir múshesinde polıtsııanyń qoǵamdyq kómekshisiniń anyqtalǵan úlgidegi kýáligi bar, ol quqyq tártibin buzýshylarǵa qatysty sharalardy qoldanýǵa, tipti ustaý, ІІB-niń organdaryna jetkizý quqyǵyn beredi.
