Almaty stýdentteri óz esimderin latyn álipbıimen jazyp kórdi

ALMATY. QazAqparat - Almaty kólik jáne kommýnıkatsııa kolledjinde latyn álipbıiniń jańa nusqasyna qatysty jıyn ótti, dep habarlaıdy QazAqparat tilshisi.

Oqý ornynyń stýdentteri óz esimderin jańa latyn álipbıiniń nusqasymen jazyp kórdi.

Jıyn barysynda aǵylshyn tilin tereńdetip oqytatyn toptarda latyn álipbıi birinshi engiziletini aıtyldy. Bul týraly oqý ornynyń dırektory Seıitbek Súleımanov aıtty.

«Bizdiń kolledjde birneshe top bar. Olarda sabaq tek aǵylshyn tilinde ótedi. Latyn álipbıiniń qabyldanǵan nusqasy birinshi kezekte osy toptarǵa engiziletin bolady», - dedi S.Súleımanov.

Aıta ketý kerek, túsindirý jumystary Memleket basshysynyń «Bolashaqqa baǵdar: Rýhanı jańǵyrý» maqalasynda aıtylǵan aýqymdy mindetterdi júzege asyrý maqsatynda ótkizildi.

Elbasy Nursultan Nazarbaev latyn álipbıine kóshý máselesin aldaǵy jyldarda myqtap qolǵa alý kerektigin aıtqan bolatyn. 

«Birinshiden, qazaq tilin birtindep latyn álipbıine kóshirý jumystaryn bastaýymyz kerek. Biz bul máselege neǵurlym dáıektilik qajettigin tereń túsinip, baıyppen qarap kelemiz jáne oǵan kirisýge Táýelsizdik alǵannan beri muqııat daıyndaldyq», - degen bolatyn Memleket basshysy.

Talqylaýdan soń stýdentter óz esimderin latyn álipbıinde jaza bastady.

«Búgin jastarǵa latyn álipbıiniń ekinshi nusqasy tanystyryldy. Qalaı bolǵanda da jastar osyndaı reformany tez qabyldaıdy. Olar ózgeristerge daıyn. Munda tıimdi tustary óte kóp. Máselen álem ádebıetine jol ashylady», - dedi «Nur Otan» partııasy Túrksib aýdandyq bólimshesi tóraǵasynyń orynbasary Nurlanbek Ájibaev.

Eske sala keteıik, jýyrda Memleket basshysynyń nazaryna latyn álipbıiniń ekinshi nusqasy tanystyrylǵan bolatyn. Munda qazaqtyń tól dybystary dáıekshemen tańbalanǵan.