Almaty stýdentteri AQTQ ınfektsııasynyń profılaktıkasy aktsııasyn ótkizýde
ALMATY. 13 qyrkúıek. QazAqparat /Ádilet Musahaev/ - Jańa oqý jylynyń alǵashqy kúnderinde Almaty qalasy JQTB-ǵa qarsy jáne onyń aldyn alý ortalyǵy qalanyń joǵary oqý oryndaryndaǵy stýdentter arasynda AQTQ ınfektsııasynyń profılaktıkasy aktsııasyn ótkizýde.
Atalǵan ortalyqtyń bas dárigeri, medıtsına ǵylymdarynyń kandıdaty Talǵat Bapıevtiń aıtýynsha, zertteý jumystary kórsetkendeı jastardyń áleýmettik toptarynyń arasynda AQTQ ınfektsııasyna ushyraý qateri anyqtalǵan. «Ókinishtisi, jastardyń kópshiligi vırýstyń taralý jolyn jáne odan qorǵanýdy bile bermeıdi, sondyqtan da osy tekserý jumystary júrgizilýde».
Aktsııa aıasynda jastar aldynda arnaıy mamandar dáris oqyp, bilim berý trenıngterin júrgizýde, sonymen qatar jastardyń salaýatty ómir saltyn qalyptastyryp, jaqyndarynyń da densaýlyǵyna mán berýi tóńireginde keńester berilýde.
Tekseristen ótýge yqylas bildirgender tegin ári anonımdi túrde AQTQ-ǵa test tapsyryp, medıtsına qyzmetkerlerinen jekeleı keńester ala alady. Sonymen qatar shara barysynda Almaty qalasy SPID ortalyǵynyń arnaıy mobıldi zerthanasy QMEBI, Asfendııarov atyndaǵy Qazaq ulttyq medıtsınalyq ýnıversıtetine, Qazaq memlekettik qyzdar pedagogıkalyq ınstıtýtyna jáne Agrarlyq kolledjine barýdy josparlap otyr.
