Almaty stýdentter úshin álemniń úzdik 100 qalasynyń qataryna endi
ALMATY. QazAqparat - Megapolıs ákimi Baqytjan Saǵyntaev Twitter-degi akkaýntynda brıtandyq konsaltıngtik kompanııa júrgizgen reıtıng nátıjeleri týraly jazdy, dep habarlaıdy QazAqparat tilshisi.
«Studee brıtandyq konsaltıng kompanııasynyń dereginshe, Almaty stýdentterge arnalǵan álemdegi eń úzdik 100 qalanyń biri. Ómir súrý, turǵyn úıdi jalǵa alý quny, ınternet jyldamdyǵy, halyqaralyq reıtıngke enetin joǵary oqý oryndar sany syndy krıterııler boıynsha Almaty 76-shy orynda», - dep jazdy Baqytjan Saǵyntaev.
Derekterdi taldaý barysynda Studee kompanııasynyń zertteýshileri qalada turatyn 15 pen 24 jasqa deıingi jastardyń jalpy sanyn, tamaq ónimderiniń sapasyn, sondaı-aq qaýipsizdik pen sóz bostandyǵy deńgeıin eskerdi.
Tokıo, Melbýrn, Seýl, Kvebek jáne Adelaıda sııaqty álemdik qalalar halyqaralyq reıtıngtiń kóshbasshysy boldy. Bul rette, Almaty Varshavany basyp ozyp, birden Nıý-Iorkten keıin ornalasty.
Aıta keterligi, Máskeý bul reıtıngte 84-shi orynda, al Peterbýrg 98-shi orynda.
