Almaty Sport basqarmasynyń laýazymdy tulǵalary 360 mln teńge bıýdjet qarjysyn jymqyrǵan

NUR-SULTAN. QazAqparat - Almaty qalasy Sport basqarmasynyń laýazymdy tulǵalary 360 mıllıon teńgeden astam qarjyny jymqyrdy degen kúdikke ilindi. Bul týraly QazAqparat Sybaılas jemqorlyq agenttigine silteme jasap habarlaıdy.

«Almaty qalasy boıynsha Sybaılas jemqorlyqqa qarsy qyzmet Almaty qalasy Sport basqarmasynyń burynǵy basshysy jáne onyń qaramaǵyndaǵy qyzmetkerler JShS dırektorymen aldyn ala sóz baılasyp, sport jabdyqtaryn jalǵa alýǵa, memlekettik satyp alý sheńberinde sertıfıkattar men kýboktar satyp alýǵa jalǵan sharttar resimdeý jáne qarajatty JShS dırektorynyń týystarynyń banktik shottaryna negizsiz aýdarý arqyly 369 mıllıon teńge somasynda bıýdjet qarajatyn jymqyrǵany anyqtaldy», - delingen habarlamada.

Ózge aqparat tergeý múddesinde jarııa etýge jatpaıdy.