Almaty sport basqarmasynan urlanǵan 367 mln teńge boıynsha isti tergeý aıaqtaldy

ALMATY. QazAqparat - Almaty qalalyq sport basqarmasynyń burynǵy basshysyna jáne basqa adamdarǵa qatysty 367,5 mln teńge urlaý faktisi boıynsha tergeý aıaqtaldy. Bul týraly QazAqparat Sybaılas jemqorlyqqa qarsy agenttikke silteme jasap habarlaıdy.

Qazirgi ýaqytta qylmystyq protseske qatysýshylardy is materıaldarymen tanystyrý júrgizilýde. Almaty qalasy ákiminiń burynǵy orynbasary E. Babaqumarov osy qylmystyq is boıynsha kúdikti emes. Odan aqshalaı qarajat bólý jáne «Sporttyq Almaty» keshendi qalalyq baǵdarlamasyn iske asyrý mán-jaılary boıynsha kýáger retinde jaýap alyndy. Ózge aqparat tergeý múddesine oraı jarııa etýge jatpaıdy.