Almaty soty Qyrǵyzstannyń eks-depýtatyn qamaýda ustaý merzimin uzartty
ALMATY. QazAqparat - Arnaıy operatsııa barysynda ustalǵan Qyrǵyzstannyń Jogorký Keneshiniń burynǵy depýtaty Damırbek Asylbekti qamaýda ustaý merzimi uzartyldy. Bul týraly QazAqparat Almaty qalalyq sotynyń baspasóz qyzmetine silteme jasap habarlaıdy.
Eks-depýtattan bólek, Qyrǵyzstannyń taǵy eki azamaty Ýlanbek Mýradılov pen Emılbek Kochorbaev ta 15 shildege deıin qamaýda bolady.
Eske salaıyq, aǵymdaǵy jyldyń aqpan aıynda ońtústiktegi 3 oblys pen Almaty qalasynda júrgizilgen arnaıy operatsııa barysynda 35 adam ustaldy. Olardyń arasynda keden organynyń, shekara qyzmetiniń laýazymdy tulǵalary, brokerler, deldaldar, sondaı-aq uıymdasqan qylmystyq top músheleri bar. Arasyndaǵy úsheýi Qyrǵyzstan azamaty. Onyń biri - Qyrǵyzstannyń Jogorký Keneshiniń depýtaty Damırbek Asylbek. Keıin ol mandatynan aıyryldy. Sot sanktsııasymen 35 kúdiktiniń 33-i qamaýǵa alyndy.
Arnaıy operatsııa barysynda memlekettik shekaranyń Qazaqstan-Qytaı aımaǵynda ornalasqan Altynkól, Qaljat jáne Qorǵas keden beketteri, Qazaqstan-Qyrǵyzstan aımaǵynda ornalasqan Qordaı men Qarasý beketteri men Qazaqstan-Ózbekstannyń Saryaǵash, Qazyǵurt, Atameken, Qaplanbek shekara aımaqtary arqyly taýarlardy kontrabandalyq jolmen tasymaldaý anyqtalǵan.
Araılym Joldasbaı
