Almaty soty alaıaqty 4 jylǵa bas bostandyǵynan aıyrdy
ALMATY. QazAqparat- Almaty qalasynyń Alataý aýdandyq soty alaıaqtyq áreketter jasaǵan dep tanylǵan K. N.esimdi azamatshaǵa qatysty qylmystyq isti qarap bolyp úkim shyǵardy. Bul týraly búgin Almaty qalalyq sotynyń baspasóz qyzmetinen habarlady.
Sottyń anyqtaǵanyndaı, 2015 jyly aqpan aıynda K. N. jábirlenýshige «jer alyp beremin», - degen ýádemen 11 myń AQSh dollaryn qaltaǵa basqan. Alaıda óz ýádesin oryndamaǵan. Osylaısha, jábirlenýshige 2 mln-nan astam teńge zalal keltirgen. Sol jyly maýsym aıynda K. N. osyndaı jolmen taǵy bir jábirlenýshiniń aqshasyn alyp alady. Oǵan keltirilgen zalal - 1 mıllıon teńgeni qurady.
«Sotta K. N. óz kinásin tolyq moıyndap, ókinishin bildirdi. Deıturǵanmen sot úkimi boıynsha ol QR Qylmystyq kodeksiniń 190-baby, 3-shi tarmaǵynyń birinshi bóliminde jáne 58-baptyń 6-shy tarmaǵynyń úshinshi bóliminde qarastyrylǵan qylmystardy jasaǵandyǵy úshin 4 jylǵa bas bostandyǵynan aıryldy. Endi jazasyn jalpy rejimdegi túzetý kolonııasynda óteıtin bolady. Sondaı-aq, sot onyń múlikterin tárkiledi», - delingen habarlamada.
