Almaty sottaryna alty aıda 83 myńǵa jýyq is pen aryz túsken
ALMATY. QazAqparat - Almaty qalalyq sotynyń tóraǵasy Nurǵazy Ábdiqanov jyl basynan beri atqarylǵan jumystardy qorytyndylady, dep habarlaıdy QazAqparat tilshisi.
«Birinshi jartyjyldyqta aýdandyq jáne oǵan teńestirilgen sottarǵa azamattyq, ákimshilik jáne qylmystyq ister boıynsha 82 955 is pen aryz tústi. Bul 15 408 is nemese ótken jyldyń sáıkes kezeńimen salystyrǵanda 15,6%», - dedi qalanyń bas sýdıasy.
Sonymen qatar, ol qylmystyq ister – 247-ge, azamattyq ister - 14 728, ákimshilik ister 433-ke azaıǵanyn aıtty.
«Birinshi satydaǵy sottardyń statıstıkalyq málimetterine sáıkes, aǵymdaǵy jyldyń alty aıynda sottarǵa 2588 adamǵa qatysty 2217 qylmystyq is tústi. 2523 adamǵa qatysty 219 is aıaqtaldy. Úkim shyǵarýmen 1423 adamǵa qatysty 1120 is qaraldy. Barlyǵy 98 úkim joıylyp, ózgertildi. Jarty jylda QR Joǵarǵy sotynyń kassatsııalyq satysynda 4 adamǵa qatysty úsh úkim joıyldy, 2018 jyldyń dál osy kezeńinde 9 adamǵa qatysty alty úkim joıylǵan bolatyn. ıAǵnı, kúshin joıǵan úkimder 5 esege azaıdy, 6 adamǵa 6 úkim ózgertildi, 2018 jyldyń osy kezeńinde 54 adamǵa 40 úkim ózgertildi, ózgertilgender sany 4,5 esege azaıdy. Osy ýaqyt aralyǵynda Almaty qalasynyń sottary men alqa bıler músheleri 46 adamǵa qatysty 30 aqtaý úkimin shyǵardy, 2018 jyldyń dál osy kezeńinde 44 adamǵa qatysty 35 aqtaý úkimi shyǵaryldy», - dedi Nurǵazy Ábdiqanov.
