Almaty sot ádildigine teńdeı qoljetimdilikti qamtamasyz etý jóninde dóńgelek ústel jıyny ótedi
Bul sharany «Eýropany keńeıtý» baǵdarlamasynyń aıasynda Fınlıandııanyń Syrtqy ister mınıstrliginiń bastamasy boıynsha Ortalyq Azııadaǵy Eýrazııa qory uıymdastyryp otyr.
Onda Qazaqstan, Qyrǵyzstan jáne Tájikstan azamattarynyń sot tóreligine qoljetimdiligi týraly zertteý qorytyndylary usynylady. Ol Fınlıandııa Syrtqy ister mınıstrliginiń Ortalyq Azııa qoǵamnyń árqıly toptary arasyndaǵy sot ádildigine qoljetimdilikti jeńildetýge baǵyttalǵan kóp jyldyq baǵdarlamasyn jasaýǵa negiz bolmaq. Bul basqosý kezinde Ortalyq Azııadaǵy Eýrazııa qorynyń qarapaıym adamdardyń ózderiniń quqyqtyq máselelerin qalaı sheshýge tyrysatyny jóninde túsirgen derekti fılmi kórsetilmek.
Dóńgelek ústel májilisine elshilikter, halyqaralyq jáne kommertsııalyq emes uıymdar, qoǵamdyq qorlar, ádilet organdary, advokattar alqasy men úkimet ókilderi jáne Qazaqstan, Qyrǵyzstan Tájikstan ombýdmsmenderi qatysady dep josparlanyp otyr.
