Almaty soltústik-batys baǵytqa qaraı damıdy
ALMATY. 9 tamyz. QazAqparat /Erbol Azanbek/ - Almaty soltústik-batys baǵytqa qaraı damıdy. Bul týraly búgin qalalyq turǵyn úı basqarmasynyń bastyǵy Qaırat Nurqadilov aıtty.
Onyń sózine qaraǵanda, jańa úıler men kommertsııalyq nysandar qalanyń osy jaq bóligine salyna bastaıtyn bolady.
«Qazirdiń ózinde qalalyq turǵyn úımen qamtý baǵdarlamasy boıynsha qalanyń osy bóligindegi «Alǵabas», «Aqbulaq» yqshamaýdandarynda 87 úı salyna bastady. Bularmen qatar bunda balabaqsha, kólik jaı, ambýlatorııa, mektepter boı kóteredi. Bıylǵy jyldyń aıaǵyna deıin Momyshuly kóshesi 4 shaqyrymǵa sozylyp, qalanyń syrt jaǵyna shyǵarylady. Kelesi jyly Momyshuly-Raıymbek kósheleriniń qıylysynda aınalma jol salynady jáne Rysqulov kóshesi uzartylady. Aldaǵy jyldary jańa ǵımarattar men joldar salynady. Máselen, qalalyq jańa muraǵat úıi de osy jaqtan salynýda. Sondyqtan bul aımaqtyń bolashaǵy zor», - dedi Q.Nurqadilov.
