«Almaty - Shymkent» poıyzynyń 10-11 qańtar kúngi reısteri jolǵa shyqpaıtyn boldy

ASTANA. QazAqparat – «Almaty – Shymkent» baǵytyndaǵy №25/26 Talgo jolaýshylar poıyzy 11 qańtar kúngi reısi jolǵa shyqpaıtyn boldy. Bul týraly QazAqparat «Qazaqstan temir joly» kompanııasynyń Telegram kanalyna silteme jasap habarlaıdy.

«Jolaýshylar tasymaly» AQ tehnıkalyq sebepterge baılanysty «Almaty – Shymkent» baǵytyndaǵy №25/26 Talgo jolaýshylar poıyzynyń, 2023 jylǵy 10 qańtarda Almaty-2 stantsııasynan jáne bıylǵy 11 qańtarda Shymkent stantsııasynan jóneltilýi tıis reısi toqtatylady»,-delingen habarlamada.

Toqtatylǵan poıyz ornyna jolaýshylardy tasymaldaý úshin standartty vagondardan qurylǵan №505/506 bir rettik poıyz taǵaıyndalady. Poıyz Almatydan 2023 jyly 10 qańtardan, al Shymkentten 11 qańtarda jolǵa shyǵady.
«Jol júrýden bas tartqan jolaýshylarǵa jol júrý quny tolyq qaıtarylady. Standartty vagondardan turatyn poıyzda jolaýshylardy, bagajdy, júk-bagajyn jáne temirjol kóligimen poshta jóneltilimderin tasymaldaý qaǵıdalaryna sáıkes belgilengen tártippen jol júrý qunynyń aıyrmasy tólenetin bolady. Ulttyq tasymaldaýshy keltirilgen qolaısyzdyqtar úshin keshirim suraıdy»,-dep málimdedi ulttyq kompanııa.