«Almaty-Shymkent» baǵytyndaǵy poıyz alǵashqy saparyna attandy
sp;ASTANA. 30 mamyr. QazAqparat /Gúlmıra Álıakparova/ - Jeksenbi kúni «Almaty-2» stansasynan asa jaıly «Almaty-Shymkent» baǵytyndaǵy poıyzdyń alǵashqy quramy saparǵa attandy.
Bul týraly «Jolaýshylar tasymaly» AQ-dan habarlady.
Vagondardyń jaılylyǵyn arttyrý «Yrysty - AEVRZ» AQ-nyń óndiristik bazasynda júzege asyryldy. Poıyz quramy «Jolaýshylar tasymaly» AQ-nyń («Qazaqstan temir joly» UK» AQ-nyń enshiles kompanııasy) vagondarynan quraldy. Vagondardyń ekstereri men ıntererin daıyndaýda zamanýı materıaldar qoldanyldy. Olardyń tóbesi shyny plastıkpen jabyldy, ishki esikteri «aına plastıgimen» qaptalyp, ishki fýrnıtýra jańartyldy (gazet salǵyshtar, ilgishter, shalbar ustaǵyshtar). Terezelerge roll-perdeler ornatylyp, eden jabyndary aýystyryldy sonymen qatar, tońazytqyshtar men qysqa tolqyndy peshter de bar.
Jatyn vagondardyń ár kýpesinde vıdeo kórýge arnalǵan keshender ornatylǵan. Poıyz úsh tıpti (JV, kýpe jáne platskart) vagondardan jasaqtalǵan, jolaýshylar meıramhana-vagonda ázirlenetin túski jáne keshki astardy óz kýpesine tapsyrys arqyly aldyrta alady. №11/12-shi «Otyrar» poıyzynyń jolda bolý ýaqyty - 13 saǵat 42 mınýt. Júrý jıiligi - kúndelikti.
Aǵymdaǵy jyldyń sońyna deıin «Almaty-Shymkent» baǵytyndaǵy №11/12 «Otyrar» poıyzynyń ekinshi quramynyń da jaılylyq deńgeıi arttyrylatyn bolady.
«Jolaýshylar tasymaly» kompanııasynan anyqtaǵandaı, qazirgi ýaqytta osyǵan uqsas jumystar «Almaty-Atyraý» jáne «Almaty-Aqtóbe» baǵyttaryndaǵy poıyzdarda júrgizilýde.
