Almaty-Shý ýchaskesinde bıletter qarasha aıynan beri satylmaıdy
ASTANA. QazAqparat - Almaty-Shý ýchaskesi arqyly ótetin jolaýshylar poıyzyna aldyn ala bılet satý jumystary 1-qarashadan beri toqtap tur, dep habarlaıdy "QazAqparat" «Jolaýshylar tasymaly» AQ baspasóz qyzmetine silteme jasap.
«Almaty-Shý ýchaskesindegi ekinshi baǵyttyń qurylysy» jobasynyń birinshi iske qosý kesheniniń qyzmet ete bastaýyna jáne jolaýshylar poıyzdarynyń júrý kestesi josparynyń ózgerýine baılanysty 1-qarashadan bastap, Almaty-Shý ýchaskesi boıynsha qatynaıtyn jolaýshylar poıyzyna jol júrý qujattaryn aldyn ala satý toqtatylǵan. Biz ýaqytsha keltirilgen qolaısyzdyqtar úshin keshirim ótinemiz»,-delingen habarlamady.
Sondaı-aq onda poıyzdardyń júrý kestesiniń ózgeristeri týraly qosymsha habarlanatyndyǵy aıtylǵan.
Qosymsha málimetterdi temir jol vokzaldarynyń anyqtama bólimderinen alýǵa bolady. Sonymen qatar 105 biryńǵaı anyqtama qyzmetine de telefon shalýǵa bolady.
