Almaty - «shetsiz qala»: Áset Masabaev atqarylyp jatqan jumystardy atady
«Almaty-2050 Damý strategııasyna sáıkes 7 negizgi basymdyqtyń biri – «shetsiz qala». Osyǵan baılanysty, bizdiń aldymyzda «Aq qaıyń», «Kólsaı», «Sulýsaı», «Alataý», «Muztaý», «Dýman» shaǵynaýdandary men Kamenskoe plato turǵyn alabyn damytý mindeti tur», — dedi Áset Masabaev.
Sonymen qatar, ol «Dýman» yqshamaýdanyńda jalpy uzyndyǵy 37 shaqyrym bolatyn sýmen jabdyqtaý jáne káriz jelilerin tartý jumystarynyń aıaqtalǵanyn atap ótti.
«Kólsaı» men «Muztaý» yqshamaýdandarynda jalpy uzyndyǵy 14 shaqyrym bolatyn sýmen jabdyqtaý jáne káriz júıesi ınjenerlik jelilerin tartý jumystary júrgizilýde. Jumystyń aıaqtalý merzimi 2021 jyldyń naýryz aıy. Kamenskoe plato yqshamaýdanynda, sý qoımasyn salý qolǵa alyndy. Jalpy uzyndyǵy 15,5 shaqyrym bolatyn sýmen jabdyqtaý jáne káriz úshin ınjenerlik jelilerdi tartý 2021 jyldyń 1 jartysynda bastalady dep josparlanǵan»,– dedi ol.
Onyń aıtýynsha, joǵaryda atalǵan jobalardyń barlyǵy júzege asyrylsa shamamen 2500 úı nemese 7 myń turǵyn aýyz sýmen jáne káriz júıesimen qamtamasyz etiledi.
Medeý aýdanynyń birqatar kóshelerinde elektrmen jabdyqtaýdyń ınjenerlik jelilerin tartý, jańǵyrtý boıynsha jumystar júrgizilýde.
«Sonymen qatar, aýdanda Kishi Almaty ózeniniń jaıaý júrginshiler aımaǵyn abattandyrylyp jatyr. Esentaı ózeniń jaǵalaýy qalpyna keltirilýde. Bul jumystar 2021 tolyq aıaqtalady. Al, Tiksaı ózen arnasyn qalpyna keltirý jumysy da nazarda2022 jylǵa josparlanǵan tys qalǵan joq»,– dedi spıker.
Medeý aýdany ákiminiń aıtýynsha, búgingi kúni ınternet jáne uıaly baılanys 4 baǵytta jetildirilde.
«Alataý», «Muztaý», «Kensaı» (ishinara) yqshamaýdandarynda qoldanystaǵy antennalardy jańartý jáne qosymsha bazalyq stantsııalardy ornatý arqyly júzege asyrylýda. Sonymen birge, operatorlarmen birlesip «Keńsaı» yqshamaýdanynda jáne «Ekran» aýmaǵynda antennalar men munara ornatýǵa arnalǵan oryndardy belgileý jumystary júrgizilýde. Aıaqtaý merzimi – qazan aıy»,– dedi ákim.