Almaty shekarasyna qosymsha qorshaýlar qoıylyp jatyr
ALMATY. QazAqparat - Tótenshe jaǵdaı aıasynda karantın engizilgen Almatynyń shekarasyna qosymsha qorshaýlar qoıylyp jatyr, dep habarlaıdy QazAqparat tilshisi.
Almaty ákimdiginiń baspasóz qyzmeti oblysqa shyǵýǵa múmkindik beretin usaq kósheler qalaı jabylyp jatqany týraly sýretter jarııalady.
Kóbine mundaı bloktar Alataý jáne Medeý aýdandarynda qoıylýda.
Munyń aldynda almatylyqtardyń túrli jolmen shekaradan ótpek bolǵany habarlanǵan bolatyn.
Aǵyp jatqan ózen arqyly ótpek bolǵan adamdar ustalyp, ákimshilik jazaǵa tartyldy.
Aıta keteıik, Almaty shekarasynda 27 blok beket qoıylǵan. Qala ishinde qozǵalysqa shekteý joq.
Qoǵamdyq kólik keshki 21:00 deıin jumys isteıdi.
