Almaty-Seýl reısinde shý shyǵarǵan boıjetken polıtsııaǵa tapsyryldy
ALMATY. QazAqparat - Almaty-Seýl baǵytyndaǵy KS 960 reısinde shý shyǵarǵan boıjetken polıtsııaǵa tabystaldy, dep habarlaıdy QazAqparat tilshisi «Eır Astana» áýe kompanııasynyń korporatıvti kommýnıkatsııalar departamentine silteme jasap.
Atalǵan vıdeo áleýmettik jelilerdegi pablıkterde taralyp ketti.
Beınekadrda boıjetken bortserikti balaǵattap jatqany túsirilgen. «Eır Astana» atalǵan derekke baılanysty túsinikteme berdi.
«19-20 qyrkúıek aralyǵynda 6 adam bortserikti balaǵattap, olardyń tikeleı mindetin atqarýyna kedergi keltirdi. Bortserik jastarǵa alkogoldi ishimdik berýden bas tartqan. Jolaýshy jol boıy bortserikke bylapyt sóz aıtyp, qorqytyp keldi. Boıjetken Almaty áýejaıyna jetkizilgen soń polıtsııa qyzmetkerlerine tapsyryldy», - dedi áýe kompanııasynan.
