Almaty saılaý komıssııasy keıbir ýchaskelerdiń kabınacynda nege perde joq ekenin túsindirdi

ALMATY. QazAqparat - Almatyda ornalasqan keıbir saılaý ýchaskelerindegi kabınalarda perde bolmady. Bul qashalyqty zańdy? Almatynyń aýmaqtyq saılaý komıssııasy jaýap berdi, dep habarlaıdy QazAqparat tilshisi.

«Qazaqstandaǵy saılaý týraly» zańda jasyryn daýys berýge arnalǵan kabınalarda mindetti túrde perdelerdiń bolýy týraly talap kórsetilmegen. Biraq zańnyń 8-babyna sáıkes daýys berý qupııa túrde júzege asady. Bul saılaýshylardyń erkin daýys berýine qandaı da bir baqylaý jasaý múmkindigin joqqa shyǵarady. Sonymen qatar ýchaskelik saılaý komıssııasy daýys berý kezinde eshkim qatyspaýy jáne kórmeýi kerek degen erejeni saqtaıdy»,- delingen habarlamada.
Sondaı-aq Almatynyń aýmaqtyq saılaý komıssııasynyń ókilderi saılaý kúni ýchaskelerde úgit-nasıhat júrgizýge bolmaıtynyn eske saldy.
«QR Saılaý týraly zańnyń 32-babyna sáıkes, saılaý kúni jáne onyń aldyndaǵy kúni kez kelgen saılaýaldy úgit-nasıhat júrgizýge tyıym salynady. Saılaý ýchaskelerinde mundaı faktiler anyqtalsa, ýchaskelik saılaý komıssııalarynyń tóraǵalary dálelder bolǵan jaǵdaıda zań buzýshylardy jaýapkershilikke tartý úshin qajetti sharalardy qoldanýǵa quqyly», - dep atap ótti ASK ókilderi.