Almaty saıabaqtarynda tazalyq aktsııasy júrgizilýde

Y. Shildeniń 27-si. QazAqparat /Erbol Turymbetov/ - Búgin Almatydaǵy Baým atyndaǵy saıabaqta jasyl aımaqtarǵa tazalyq jumystaryn júrgizý boıynsha ekologııalyq desant uıymdastyryldy.

Ony Almaty qalasy jastar saıasatyn damytý memlekettik qory men Almaty qalasy demalys ortalyqtary birlesip uıymdastyrdy. Shara respýblıkalyq «Birligimiz jarasqan» jáne «Saıabaq sherýi» halyqaralyq aktsııasy aıasynda ótkizilip otyr.

«Almaty qalasynyń turǵyndary úshin qalalyq saıabaqtardyń mańyzy óte zor. Olar qalamyzdyń aýasyn tazartyp qana qoımaı, kóńil-kúıdiń kóterilýine de sebepker bolady. Aldaǵy ýaqytta bul sharanyń óz jalǵasyn tabýyna atsalysatyn bolamyz», dedi Almaty ákimdiginiń jastar saıasatyn damytý basqarmasynyń bastyǵy Baqtııar Máken.

Aktsııaǵa uıymdastyrýshylarmen qatar «Jasyl el» jastar birlestigi ókilderi de qatysty. Olardyń aıtýynsha, bul ıgilikti sharany aldaǵy tamyz aıynan bastap apta saıyn ótkizip turý josparlanǵan.