Almaty saıabaqtarynda ıt serýendetetin oryndar jabdyqtalady
ALMATY. QazAqparat – Almatyda Almaly aýdanynyń saıabaqtarynda ıt serýendetýshilerge arnalǵan paketteri bar jáshik ornatylady. Bul týraly aýdan ákimi Bekqalı Torǵaev aıtty, dep habarlaıdy QazAqparat tilshisi.
Onyń aıtýynsha, mundaı usynysty turǵyndar ózderi jetkizgen. Bekqalı Torǵaev osy baǵytta turǵyndardyń pikiri eskeriletinin aıtty.
Bıyl M.Gandı atyndaǵy saıabaqta ıttiń nájisin jınaýǵa arnalǵan arnaıy keshen ornalastyrylatyn bolady.
«Bizde 15 skver, 1 saıabaq, 5 jasyl aımaq bar. Bul jerlerde adamdar tańerteń júgiredi. Kelesi jyly K.Baıseıitova kóshesinde jaıaý júrginshiler aımaǵyn jasaımyz. Osy aımaqtarda adamdar ıtpen kóp júredi. Sondyqtan, kópshiliktiń narazylyǵy bar. Itpen serýendeýge bolady, biraq olar tumyldyryq taǵýy tıis. «Qatysý bıýdjeti» baǵdarlamasy aıasynda bizde 1 joba ótti. Biz qazir bul jobany Gandı atyndaǵy saıabaqta jalǵastyratyn bolamyz. Saıabaqtardyń kireberisine arnaıy jáshikter qoıylady. Іshinde paket bolady. It ıeleri sol paketti alyp júredi. Itpen serýendep júrgende paıdalanatyn bolady. Qalanyń barlyq turǵyndary tártipke baǵynýy tıis», - dedi Bekqalı Torǵaev.
