Almaty saıabaǵynyń basshylyǵy attraktsıonda qolyn syndyryp alǵan balanyń emdik shyǵynyn tóleıtin boldy
ALMATY. QazAqparat - Almatydaǵy Ortalyq mádenıet jáne demalys saıabaǵynyń basshylyǵy attraktsıonda qolyn syndyryp alǵan balanyń emdeý shyǵyndaryn tóleıtin boldy. Bul týraly búgin «Altyn Taraz» basqarýshy kompanııasy dırektorynyń orynbasary Vladımır Kalının málim etti.
«Bul jerde eshkimniń kinási joq. Attraktsıon ótken jyly Ispanııadan satyp alynǵan. Sertıfıkaty jáne basqa da qujattary bar. «Buqanyń» maqsaty - ústindegi adamdy qulatý. Attraktsıon alǵashynda baıaý jyldamdyqpen qozǵalady. Keıin tez qımyldaıdy. Bul jerde bala sátsiz qulaǵan. Bizde negizi árbir attraktsıonnyń aldynda eskertý jazylǵan nusqaýlyq bar. ıAǵnı, árbir ata-ana óz balasyn attraktsıonǵa jibermes buryn, onyń shama-sharqyna kóz jetkizip alýy kerek. Bul attraktsıonǵa ereje boıynsha balalardy 5 jastan bastap jiberýge bolady. Biraq, biz saqtanyp, 7 jastan bastap jiberemiz. Al qulaǵan balanyń jasy 10-da. Biz onyń ata-anasymen sóılestik. Olar bizge kiná taǵyp otyrǵan joq. Balaǵa qazir ota jasaldy. Biz óz tarapymyzdan adamgershilik turǵysynda emdeýge ketken shyǵyndy tóleýdi jón kórdik», - dedi V. Kalının.
Aıta ketelik, bul oqıǵa keshe tústen keıin «Korrıda» attraktsıonynda oryn aldy.
