Almaty saýda oıyn-saýyq ortalyǵynda ata-analar tóbelesti
ALMATY. QazAqparat - Almatydaǵy saýda ortalyqtarynyń birinde bolǵan tóbelestiń vıdeosy áleýmettik jelide tarady. Polıtsııa departamenti oqıǵaǵa qatysty túsinikteme berdi, dep habarlaıdy QazAqparat tilshisi.
Vıdeo kadrlarynan tóbelestiń balalar oıyn alańynda bolǵanyn baıqaýǵa bolady.
Tóbeleskenderdi polıtsııa qyzmetkerleri men er adamdar ajyratýǵa tyrysyp jatyr.
Almaty qalalyq polıtsııa departamentiniń baspasóz qyzmeti beınejazbanyń tekserilgendigin habarlady.
«Bul derek QR ÁQBtK 73-baby «Densaýlyqqa qasaqana jeńil zııan keltirý» boıynsha tirkeldi» dep habarlady vedomstvodan.
Eske sala keteıik, buǵan deıin Almatyda er adam dezınfektsııa jasap júrgen jumysshyǵa pyshaq ala júgirgen bolatyn.
