Almaty saýda ortalyǵyndaǵy zoobaq jabylady
ALMATY. QazAqparat – Almaty ákimdigi «Almaty Mall» saýda ortalyǵyndaǵy janýarlarmen baılanys zoobaǵyna qatysty jaǵdaıǵa túsinik berdi, dep habarlaıdy QazAqparat tilshisi.
«Almaty qalasynyń ákimdigi kópshiliktiń pikirimen kelisedi jáne mundaı qyzmet adamgershilik normalaryna saı emes dep esepteıdi. Biz «Almaty Mall» saýda ortalyǵynyń ákimshiligimen atalǵan haıýanattarǵa etene jaqyn bolý zoobaǵynyń ıesimen kelisim shartty buzý jáne onyń qyzmetin bir aı merzimge toqtatý boıynsha kelisimge qoljetkizdik»,- dep habarlaıdy qalalyq ákimdik.
Qalalyq ákimdiktiń habarlaýynsha, bul Almatydaǵy alǵashqy jaǵdaı baılanys zoobaǵynda arystan, jolbarys syndy jyrtqysh ańdardyń tólderi (abdan, arlan, panterany) ustaý.
«Ókinishke oraı, mundaı mekemelerdiń is-qyzmeti QR zańnamasy boıynsha rettelmegen. Sondyqtan bizdiń tarapymyzdan QR Aýyl sharýashylyǵy mınıstrligine haıýanattarǵa etene jaqyn bolý zoobaǵynyń jumystaryna tyıym salý jóninde Zań ázirleý boıynsha resmı hat jiberiledi»,-dedi ákimdik.
Buǵan deıin, almatylyqtar osy baılanys zoobaǵyndaǵy ańdardyń jaǵdaıyna shaǵymdanǵan bolatyn.
foto: inalmaty.kz
