Almaty salyq organdaryna kelgenderge shaı beriletin boldy

ALMATY. QazAqparat - Almatyda salyq organdarynyń qyzmet kórsetý deńgeıin jaqsartý maqsatynda Jetisý aýdandyq memlekettik kirister basqarmasynda pılottyq joba bastaldy, dep habarlaıdy QazAQparat tilshisi.

Búgin atalǵan joba QR Qarjy mınıstrliginiń Memlekettik kirister komıtetiniń tóraǵasy Ardaq Teńgebaevqa tanystyryldy. Endi atalǵan basqarmada salyq tóleýshilerge qyzmet kórsetý alańy birneshe bólikke bólinetin bolady.

«Qurmet» toptamasy boıynsha egde jasqa kelgen azamattarǵa óz jasyna jaqyn qyzmetkerler qyzmet kórsetip, uzaq kútetin jaǵdaıda ystyq shaı beredi.

«Start» toptamasy jańadan bastap kele jatqan kásipkerlerge zańnamalardyń qyr-syryn túsindirýge arnalǵan.

Balasymen kelgen azamattarǵa «Balapan» toptamasy boıynsha qyzmet kórsetiledi. ıAǵnı, ata-anasy salyq qyzmetin alyp bolǵansha, balalary arnaıy alańda oınaıtyn bolady.

«Áleýmettik» toptamasyna sáıkes 1 qabatta múmkindigi shekteýli azamattarǵa qyzmet kórsetiletin bolady.

«Profı» toptamasy boıynsha kásibı bilikti esepshilerge alań bólinip, tájirıbeli qyzmetkerlerden qyzmet ala alady.

«Progress» toptamasy boıynsha tek termınal arqyly elektrondy qyzmetti paıdalanatyn azamattarǵa qyzmet kórsetiledi.

Aıta ketý kerek, Jetisý aýdandyq Memlekettik kirister basqarmasy kúnine 500 adamǵa qyzmet kórsetedi.  Bul pılottyq jobaǵa kópshilik oń baǵasyn berip jatyr.