Almaty saqshylary seziktilerdi qylmys ústinde ustady
ALMATY. Aqpannyń 3-i. QazAqparat / Ádilet Musahaev / - Almaty polıtseıleri áıel azamatqa shabýyl jasap sómkesin tartyp alǵan úsh seziktini izin sýytpaı ustady,
dep habarlaıdy QazAqparat.
Qazirgi kúni jol polıtseıleri avtokólikpen torýyldaý ádisi boıynsha qyzmet kórsetýde, jol ınspektorlary jol jaǵdaıyn qadaǵalaýdan tys, tonaý, urlyq, qaraqshylyq shabýyldardyń aldyn alyp júr.
Túngi sholǵynshy ekıpajynyń izdestirý bóliminiń aǵa polıtseıi Rýslan Moldaǵazıev pen aǵa leıtenant Nurlan Musabekov túngi 11-ler shamasynda kómek suraǵan jas áıeldi baıqaıdy. Saqshylardyń aıtýynsha, áıel soqqyǵa ushyraǵan.
Fýrmanov pen Gogol kósheleriniń qıylysynda beıtanys úsh adam áıelge shabýyl jasap, sómkesin alyp ketken. Odan keıin seziktiler taksı ustap, qylmys bolǵan jerden boı tasalamaq bolǵan. Degenimen, olar uzaqqa kete almady. Jol saqshylary bolǵan oqıǵanyń izin sýytpaı jedel izdestirý ádisi boıynsha Qazybek bı men Fýrmanov kósheleriniń qıylysynda úsh qylmyskerdi quryqtady.
Tergeý jumystary barysynda belgili bolǵandaı, úsh jas jigit ońtústik astananyń turǵyny emestigi, tek qosymsha qarajat tabýǵa kelgendikteri belgili boldy. Almaty, Shyǵys Qazaqstan men Qyzylorda oblysynyń turǵyndary bolyp keletin qylmyskerlerdiń aıtýynsha, olar mundaı «úlken jolǵa» jańa jyldyń aldynda shyqqan. Sondyqtan da tergeýshiler Jańa jyl qarsańynda bul úshtiktiń kóptegen múlikti ıemdený qylmysyna barýy múmkin ekendigin aıtady. Qazirgi kezde atalmysh derek boıynsha tergeý isteri júrgizilip, basqa da qylmystyq isterge qatystylyǵy anyqtalýda.
