Almaty-Rıga arasynda tikeleı áýe reısi iske qosylatyn boldy
ASTANA. QazAqparat - 2018 jyldyń 29 sáýirinde Almaty - Rıga arasynda tikeleı ushaq qatynasy ornaıdy, dep habarlaıdy «QazAqparat» HAA tilshisi QR IDM Azamattyq avıatsııa komıtetiniń Feısbýktegi paraqshasyna silteme jasap.
«Latvııalyq airBaltic kompanııasy 2018 jyldyń 29 sáýirinen bastap Almaty men Rıga (Latvııa) arasyndaǵy tikeleı áýe reısin ashady. Jańa baǵdar Qazaqstan men Baltyq elderiniń jolaýshylary úshin Eýropa, Skandınavııa, Reseı men Taıaý Shyǵys elderin qamtıtyn jańa múmkindikterdi ashady», - delingen habarlamada.
Aıta ketsek, latvııalyq airBaltic kompanııasy 1995 jyly ashylǵan. Jylyna shamamen 3,5 mıllıon jolaýshyǵa qyzmet kórsetedi.
