Almaty prokýratýrasy Janbolat Mamaıdyń qorǵaýshysy qylmystyq protseske nege qatysa almaıtynyn túsindirdi

ALMATY. QazAqparat- Buqaralyq aqparat quraldary men áleýmettik jelilerde Almaty qalasynyń prokýratýrasy J.Mamaıǵa qatysty qylmystyq is boıynsha I.Imanbaıdy qorǵaýshy mártebesinen zańsyz aıyrǵany týraly aqparat tarap jatyr. Osyǵan baılanysty qadaǵalaý organy túsinik berdi, dep habarlaıdy QazAqarat tilshisi.

Almaty qalasynyń prokýratýrasy Qylmystyq-protsestik kodekstiń 94-babyna sáıkes, eger qorǵaýshy buryn iske kýá retinde qatysqan bolsa, qylmystyq protseske qatysa almaıtynyn málim etti.

«I.Imanbaı Almaty qalasy Polıtsııa departamentinde tergep jatqan qylmystyq is boıynsha qorǵaýshy mártebesine ıe bolǵan. Al prokýratýrada qaralyp jatqan qylmystyq is boıynsha kýáger mártebesine ıe. Qazirgi ýaqytta bul qylmystyq ister bir óndiriske biriktirilgen. Osyǵan baılanysty zań normalaryn basshylyqqa ala otyryp, I.Imanbaı qorǵaýshy mártebesinen aıyrylady. Ol osy sheshimge belgilengen tártippen shaǵymdanýǵa quqyly»,- dep habarlady vedomstvodan.

Prokýratýra ókilderi, I.Imanbaı jubaıy retinde kezdesýler alý úshin tergeýshige júginýge quqyly ekenin atap ótti.