Almaty prokýratýrasy urlanǵan taýarlardy anyqtaıtyn saıtty iske qosty

ALMATY. QazAqparat – Almaty qalasynyń prokýratýrasy urlanǵan taýarlardy anyqtaýǵa arnalǵan «Urlangan.kz» arnaıy saıtyn iske qosty, dep habarlaıdy QazAqparat tilshisi.

Prokýratýranyń málimetinshe, saıt ishinde urlanǵan kompıýter, teledıdar, plashnet, uıaly telefon, tipti saǵattardyń júz myńǵa jýyq serııalyq nómiri bar.

Saıtty qoldanýshy qurylǵy kodyn terý arqyly ózine satyp alýǵa usynylǵan zattyń urlanǵan zattar tiziminde bar-joǵyn teksere alady. Sonymen qatar, dúkender men tehnıkany satyp alý pýnktteri de saıt arqyly taýarlardy teksere alady. Sáıkestik anyqtalǵan jaǵdaıda, polıtsııa organdaryna júginý qajet, -

dep habarlady prokýratýradan.

Vedomstvodan habarlaǵandaı, Almatyda sońǵy úsh jyl ishinde múlik urlaýdyń 10 myńǵa jýyq deregi anyqtalǵan. Onyń basty sebebi – azamattar taýardyń shyqqan jerin teksermeı, mobıldik qurylǵylar men basqa da tehnıkalyq quraldardy satyp alarda aldanýdyń qurbany bolǵan.