Almaty prokýratýrasy telefon alaıaqtarynyń qalaı jumys isteıtinin túsindirdi
Qalalyq prokýratýranyń málimetinshe, alaıaqtar ózderin tártip saqshysy dep tanystyryp, azamattarǵa telefon soǵyp, olarǵa bank shottarynyń buzylǵanyn nemese atyna nesıe resimdeý áreketi jasalǵanyn habarlaıdy.
«Mundaı áreketterdi joıý úshin olar tıisti algorıtm usynady. Alaıaqtardyń aıtýynsha, shot ıelerine arnaıy qaýipsizdik kody jiberiledi, olar sony bizge aıt dep talap etedi. Bul rette abonentterdiń uıaly telefondarynda arnaıy quraldardyń kómegimen quqyq qorǵaý organdarynyń nómirleri anyqtalýy múmkin. Osyny paıdalanǵan qylmyskerler óz sózderiniń rastyǵyn dáleldeý úshin quqyq qorǵaý organdarynyń resmı saıttarynda aqparatty (qyzmetkerlerdiń aty-jóni, nómirleri) tekserýdi usynady. Osyǵan sengen adamdar alaıaqtardyń qurbany bolýy múmkin. Joǵaryda aıtylǵan aqparatty eskere otyryp, prokýratýra qyraǵy bolýdy jáne atalǵan qylmystyq áreketterge boı aldyrmaýdy suraıdy. Óz kezeginde quqyq qorǵaý organdary qylmyskerlerdi anyqtaý jáne ustaý sharalaryn júrgizýde»,- delinedi prokýratýranyń habarlamasynda.
Sondaı-aq, Almaty prokýrorlary áleýmettik jelide akkaýnt ashqan.
«Halyq únine qulaq asatyn memleket» tujyrymdamasyn iske asyrý sheńberinde Facebook áleýmettik jelisinde azamattardyń problemalary men shaǵymdaryna ýaqtyly den qoıý, halyqpen keri baılanysty jedel qamtamasyz etý úshin Almaty qalasy aýdandarynyń barlyq prokýrorlary men qalanyń tabıǵat qorǵaý prokýrorynyń akkaýnttary ashyldy. Azamattar qajetti quqyqtyq suraqtar, aýdannyń problemalyq máseleleri boıynsha júginip, túsindirme aqparat ala alady»,- dep habarlady prokýratýra.
Almaty prokýrorlary áleýmettik jelide ashqan akkaýnttarynyń tizbegi tómendegideı:
