Almaty prokýratýrasy «STOP Ekstremızm!» áleýmettik jarnama baıqaýyn jarııalaıdy

ALMATY. QazAqparat- Almaty prokýratýrasy «STOP Ekstremızm!» atty áleýmettik jarnama baıqaýyn jarııalaıdy, dep habarlaıdy QazAqparat tilshisi.

Barlyq qazaqstandyqtar terrorızmge qarsy áreketter týraly beınerolık túsirip, ózderin naǵyz rejısserler retinde synaı alady. Jumysta dinı ekstremızmmen kúresýdiń áleýmettik jarnamasy kórsetilýi tıis.

Baıqaýdy maqsaty – jastardyń zeıinin terrorızm máselesine aýdarý jáne ekstremıstik ıdeologııaǵa qarsy árekettegi shyǵarmashylyq áleýetin iske asyrý bolyp tabylady. Jobany Almaty qalalyq prokýratýrasy jáne «Social Development Center» Qoǵamdyq qory júzege asyrady.

Baıqaýǵa qatysý úshin qazaqstandyq qoǵamda dinı ekstremızm men terrorızm ıdeologııasynyń aldyn alýǵa baǵyttalǵan erekshe beınerolık túsirý kerek. Negizgi baǵyttary mynandaı:

Ulttyq dástúrler men zaıyrly memlekettiń qundylyqtaryn nasıhattaý;

Konfessııaaralyq kelisim men toleranttylyqty nyǵaıtý;

Halyqtyń dinı jáne quqyqtyq saýattylyǵyn kóterý;

Terrorızmniń dúnıejúzilik qoǵamdastyq kólemindegi qaýpi.

Baıqaý jumystary bir avtordan nemese bir ujymynan qazaq jáne orys tilderinde qabyldanady.

Ótinishter 2019 jyldyń 16 qazany men 21 qarasha aralyǵynda qabyldanady.

Baıqaý barysynda qazylar alqasy úzdik 5 beınerolıkti tańdap alady.Úmitkerler Almaty qalasynda ótkiziletin marapattaý rásimine shaqyrylady. Onda jeńimpazdarǵa kelesi nomınatsııalar boıynsha syılyqtar tapsyrylady:

1. «Úzdik áleýmettik rolık» – 700 000 teńge;

2. «Úzdik ıdeıa» – 400 000 teńge;

3. «Úzdik rejısserlik jumys» – 300 000 teńge.

Sondaı-aq, ótinishter [e-mail] adres boıynsha qabyldanady. Qosymsha málimetterdi Almaty qalasy prokýratýrasynyń resmı paraqshalarynan bilýge bolady:

Instagram – @prokuror_almaty.kz

Facebook – @almatyprokuror