Almaty prokýratýrasy ruqsat etilmegen mıtıngige qatysqany úshin jaza qarastyrylǵanyn eskertti
Baspasóz qyzmetiniń málimetterine qaraǵanda, áleýmettik jelilerde bıylǵy 31 mamyrda jergilikti atqarýshy organdarmen kelisilgen mıtıngiler men sherýlerge qatysý týraly jalǵan habarlamalar men arandatýshylyq úndeýler keńinen taralýda.
Bul aqparat shyndyqqa sáıkes kelmeıtinin habarlaımyz.
Bul kúnderi Almaty qalasynda qandaı da bir beıbit jınalystar ótkizý kelisilmedi.
Osyǵan baılanysty, jalǵan habarlamalar arqyly jarııalanǵan aktsııalardy uıymdastyrý jáne olarǵa qatysý, sondaı-aq olarǵa shaqyrý zańsyz bolyp tabylatynyn eskertemiz.
Ókinishke qaraı, mıtıngilerdi nemese ózge de beıbit jınalysty ótkizýdiń zańdy tártibin birneshe ret túsindirýge qaramastan, ony buzý oryn alyp
kelýde.
Beıbit jınalystardy ótkizý tártibi 2020 jylǵy 25 mamyrda qabyldanǵan «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» Zańmen (budan ári - zań)
bekitilgenine nazar aýdaramyz.
Tıisinshe, Zań talaptaryn buza otyryp ótkiziletin mıtıngilerdi, sherýlerdi, jınalystardy nemese demonstratsııalardy uıymdastyrý jáne olarǵa qatysý (Zańnyń 3 - babynyń 3-tarmaǵy) Ákimshilik quqyq buzýshylyq týraly Kodeksiniń 488-baby boıynsha jaýaptylyqqa, onyń ishinde 25 táýlikke deıin qamaqqa alý sharasyna ákep soǵady.
Zańdylyqty, qoǵamdyq qaýipsizdikti qamtamasyz etý, quqyq buzýshylyqtardyń aldyn alý, adam men azamattyń quqyqtary men bostandyqtaryn qorǵaý maqsatynda qoldanystaǵy zańnama normalaryn múltiksiz saqtaýǵa, arandatýshylyqqa berilmeýge jáne zańsyz aktsııalardy, olarǵa jarııa túrde shaqyrýlardy uıymdastyrýdan jáne olarǵa qatysýdan bas tartýǵa shaqyramyz.
«Quqyq qorǵaý organdary belgilengen quqyqtyq tártipke qol suǵatyn kez kelgen quqyq buzýshylyqtardyń jolyn kesip, kináli adamdarǵa zańda kózdelgen barlyq sharalardy qabyldaıtyn bolady»,-delingen prokýratýranyń habarlamasynda.
