Almaty prokýratýrasy avtoturaq qunyn arzandatty
ALMATY. QazAqparat - Almaty prokýratýrasynyń yqpalymen qaladaǵy aqyly avtoturaqtardyń tarıfy tómendetildi, dep habarlaıdy QazAqparat tilshisi.
Atap aıtqanda, saýda úıleriniń qasynda turaq quny saǵatyna 300 teńge emes, 100 teńgege túsirildi.
Qalanyń kommýnaldyq menshigine jatatyn adam kóp shoǵyrlanǵan jerlerde turaq qunyn baqylaýdan ótkizý kezinde prokýratýra organdary mundaı aqynyń bolýy negizsiz dep tapty.
QR Jol qozǵalysy týraly zańnamasyna sáıkes, Almaty ákimdiginiń 2016 jylǵy 11 qyrkúıegindegi qaýlysymen mundaı qyzmetterge saǵatyna 100 teńge tarıf bekitilgen.
Ásirese, Solústik aınalma jolyndaǵy 14 bazar («Alataý-1», «Alataý-2», «Almaldy», «Aqbulaq», «Arlan», «Baısat», «Barys», «Batyr», «Bolashaq», «Kazyna», «Olja», «Rahat», «Sálem», «ıAlıan»), Adem saýda úıi mańynda avtoturaq quny saǵatyna 300 teńge bolyp kelgen.
Prokýrorlyq aktiniń nátıjesinde qalalyq Mobıldilik basqarmasy arqyly turaq quny jergilikti atqarý organynyń bekitken tarıfine saı ózgertildi.
