Almaty prokýratýrasy aktrısa qaza tapqan jol apatyna qatysty pikir bildirdi
ALMATY. QazAqparat - Almaty prokýratýrasy Abaı jáne Seıfýllın kósheleriniń qıylysynda bolǵan atyshýly jol apatyna qatysty pikir bildirdi, dep habarlaıdy QazAqparat tilshisi.
«Búgingi kúni úsh adamnyń ómirin alyp ketken jol apatyn jasap, qashyp ketti dep kúdikke ilingen Іlııas Karǵa qatysty qylmystyq tergeýdiń ádildigine kúmán týǵyzatyn túrli aqparattar tarap jatyr. Aıta ketý kerek, sotqa deıingi tergeý tolyqqandy júrgizilgen, barlyq talaptarǵa saı», - dep málim etti qadaǵalaýshy organ.
Qazirgi tańda is sotqa joldanǵan.
«Oqıǵanyń mán-jaıyna jáne kúdiktiniń is-áreketterine sotta obektıvti baǵa beriledi» deıdi prokýratýradaǵylar.
Eske sala keteıik, 29 jeltoqsan kúni bolǵan jol apatynda úsh adam, sonyń ishinde belgili aktrısa Sholpan Elgezekova qaıtys bolǵan edi. Іs sotqa 29 qańtar kúni jiberildi. Keshe birqatar BAQ qaıtys bolǵandardyń biriniń týysyna silteme jasap, saraptama kezinde Gelandewagen júrgizýshisiniń qanynan alkogol tabylmaǵanyn habarlaǵan bolatyn.
Al Almaty polıtsııasy sol kúni kúdiktiniń jol apaty kezinde mas bolǵany tergeý jolymen dáleldengenin jetkizdi.
Avtor: Danııar Dáýitálıev
