Almaty polıtsııasynyń jas qyzmetkerleri ІІD sletine qatysty
ALMATY. QazAqparat- Almaty qalasynyń Іshki ister departamentinde qalalyq jas polıtsııa qyzmetkerleri men olardyń tálimgerleriniń Sleti bolyp ótti.
«Sletti ótkizýdegi basty maqsat - jas polıtsııa qyzmetkerleriniń kásibı turǵyda qalyptasýynda tálimgerliktiń rólin arttyrý jáne jumys boıynsha tájirıbe almasý. Tálimgerlerdiń jas qyzmetkerlermen jumysy eńbek úderisinde, zańdar men buıryqtardy oqýda, is júrgizý qujattaryn ázirleýde, jemqorlyq, paraqorlyq jáne qyzmet múddesine qarsy opasyzdyq derekterin joıýda óte mańyzdy ról atqarady», - dedi Almaty qalalyq ІІD Kadrlar jumysy Basqarmasy bastyǵynyń orynbasary, polıtsııa podpolkovnıgi Oljas Myrzabekov.
Slet barysynda qala aýdandarynyń Іshki ister basqarmalarynyń tálimgerleri men olardyń qamqorlyqqa alǵan jas polıtsııa qyzmetkerleri, aıdaýyl qyzmeti batalony, jedel den qoıý arnaıy jasaǵy ózderiniń qyzmetteri boıynsha esep berdi.
Almaty qalalyq ІІD baspasóz qyzmetiniń habarlaýynsha, sharaǵa Іshki ister bólimderiniń ardagerlik uıymdarynyń ókilderi jáne tálimgerler Keńesiniń músheleri qatysty.
Slet jas qyzmetkerler men olardyń tálimgerleri daıyndaǵan qyzmettik rolıkter tamashalaýmen aıaqtaldy.
