Almaty polıtsııasynyń basshysy departament ǵımaratyna kim shabýyl jasaǵanyn aıtty

ALMATY. QazAqparat- Polıtsııa departamentiniń ǵımaratyna jasalǵan shabýyl - joǵary deńgeıde uıymdastyrylǵan jáne arnaıy daıyndyqtan ótken kásibı sodyrlardyń áreketi. Bul týraly departament basshysy Qanat Taımerdenov aıtty, dep habarlaıdy QazAqparat tilshisi.

«Biz úshin lańkesterdiń ǵımaratqa kirýine jol bermeý mańyzdy boldy, óıtkeni olar Molotov kokteılderin jappaı paıdalandy: eger órt bolsa, polıtsııa qaqpanǵa túser edi. Olar óte uıymdasqan túrde birneshe jerden: Masanshy-Qabanbaı batyr, Masanshy-Qarasaı batyr, «Nıkol» soborynan jáne osy attas burynǵy bazardyń aýmaǵynan shabýyl jasady. ıAǵnı, bizdi birden qorshap aldy. Departament perımetri boıynsha qyzmetkerlerdi ornalastyrdyq. Men osy ýaqyt boıy jumys ornynda boldym. Al naǵyz qaýip tóngen kezde, olar bizge oq jaýdyrǵanda, biz de shabýyldaýshylarǵa qarsy oq ata bastadyq», – deıdi Qanat Taımerdenov.

Onyń aıtýynsha, sodyrlar ǵımaratty buzyp ótý úshin buryn ózderi tartyp alǵan KamAZ-dy paıdalanǵan.

«Bul shabýylǵa 1 myńǵa jýyq adam jumyldyryldy. Olar jaýyngerlik taktıkany bilip qana qoımaı, ony óte jaqsy meńgergen: urys quramalaryn uıymdastyrýdy, qalalyq jaǵdaıdaǵy urys erejelerin jaqsy biletin, daıyndalǵan adamdar. Jaqyn mańdaǵy kópqabatty úıdiń tóbesine snaıperlerdi ornalastyrǵan. Jáne olar bizge oq jaýdyrdy», — dedi Almaty polıtsııasynyń basshysy.