Almaty polıtsııasynyń basshylyǵy jolǵa shyqpaq
ALMATY. QazAqparat - Almatyda QR ІІM basshysy Erlan Turǵymbaevtyń bastamasymen jańa formatqa kóshken «Jolda qabyldaý» aktsııasyn uıymdastyrylmaq, dep habarlaıdy QazAqparat tilshisi.
«Endi bul aktsııa jol qaýipsizdigi máselesin sheshýge ǵana emes, kóshi-qon ahýalyn baqylaýda ustaýǵa, ruqsat berý, lıtsenzııa berý júıesi men memlekettik qyzmettiń durys oryndalýyn qadaǵalaýǵa baǵyttalady. Bul aktsııany ótkizýge PD qoǵamdyq keńesiniń músheleri, blogerler tartyldy», - dedi qalalyq PD resmı ókili Saltanat Ázirbek.
Almatyda úsh Jolda qabyldaý pýnkti istep tur.
«Olar «Atakent» ortalyq kórme kesheniniń janynda, Saıaly shaǵyn aýdanyndaǵy arnaıy HQKO mańynda, «Adem» saýda úıiniń mańynda ornalasqan. Mobıldi qabyldaý bólimderi óz jumysyn tańǵy 9-dan keshki 19:00-ge deıin jalǵastyrady. Aktsııa sáýirdiń 5-6 jalǵasady», - dedi qalalyq PD resmı ókili Saltanat Ázirbek.
